ممبئی: اجے دیوگن کی فلم ’ریڈ 2‘ کا ٹریلر جاری کر دیا گیا، ریلیز کب ہوگی تاریخ بھی سامنے آگئی
بھارتی فلم 2018ء میں ریلیز اور بلاک بسٹر ثابت ہونے والی فلم ’ریڈ‘ کا سیکوئل ہے جس میں رتیش دیشمکھ بطور وِلن ایک کرپٹ سیاستدان کا مضبوط کردار ادا کرتے نظر آرہے ہیں۔
بالی ووڈ کی فلم ماضی کی مقبول ایکشن تھرلر درشیام، شیطان اور انیمل کے میکرز بھشن کمار اور کرشن کمار کی جانب سے پروڈیوس کی گئی ہے جس کی ہدایتکاری راج کمار گپتا نے کی ہے جو اس فلم کے پہلے حصے کی ہدایتکاری بھی کرچکے ہیں۔
اجے دیوگن فلم میں انکم ٹیکس آفیسر امے پٹنائک کا کردار نبھائیں گے جو کرپشن اور کرپٹ حکمرانوں کیخلاف آپریشن کرتا ہے اور ان کی چھپائی ہوئی دولت کا راز فاش کر کے اسے قبضے میں لیتا ہے۔
فلم میں وانی کپور امے پٹنائک کی بیوی کا کردار ادا کر رہی ہیں جبکہ دیگر کاسٹ میں سوربھ شکلا، سورپیا پاٹھک، اور رجت کپور شامل ہی‘ سنسنی اور تھرلر سے بھرپور یہ فلم 1 مئی 2025 کو سنیما گھروں کی زینت بنے گی جس کا شائقین کو بےصبری سے انتظار ہے۔
